ដំណើរទស្សនកិច្ចសាខាទី៣

Bonna Onn • March 11, 2025

ដំណើរទស្សនកិច្ចសាខាទី៣ របស់គណៈគ្រប់គ្រងនៃ សាលាអន្តរជាតិ វេស្ទលែនដ៍

វេស្ទលែនដ៍៖ កាលពីពេលកន្លងទៅថ្មីៗនេះ គណៈគ្រប់គ្រងនៃសាលាអន្តរជាតិ វេស្ទលែនដ៍ ដឹកនាំដោយ ឯកឧត្តមឧកញ៉ាបណ្ឌិត ជា ដាណា ស្ថាបនិក នៃសាលាអន្តរជាតិ វេស្ទលែនដ៍ អមដំណើរ ដោយលោកនាយក ថន សុកលីម និងគណៈគ្រប់គ្រង នៃសាលាអន្តរជាតិ វេស្ទលែនដ៍ បានចុះពិនិត្យដំណើរការ នៃការរៀបចំអាគារសិក្សាថ្មី (សាខាទី៣) របស់សាលាអន្តរជាតិ វេស្ទលែនដ៍ មុនពេលបើកដំណើរការក្នុងពេលដ៏ខ្លីខាងមុខនេះ ។

អាគារសិក្សាថ្មី(សាខាទី៣)នេះ មានទីតាំងស្ថិតនៅកណ្តាល ក្រុងតាខ្មៅ និងមានទីតាំងដ៏ធំទូលាយ ដោយបានបំពាក់នូវបរិក្ខាទំនើបៗ និង សំបូរបែប ដែលនឹងអនុញ្ញាត សិស្សានុសិស្សអាចទទួលបាននូវបទពិសោធន៍ថ្មីៗ និងបរិយាកាសក្នុងការសិក្សាកាន់តែល្អប្រសើរបន្ថែមទៀត ។

សាលាអន្តរជាតិ វេស្ទលែនដ៍ បានចូលរួមក្នុងការបណ្តុះបណ្តាល សិស្សានុសិស្ស ក៏ដូចជាការបង្កើតធនធានមនុស្ស ក្នុងក្រុងតាខ្មៅប្រកបដោយ គុណភាព និងទទួលបានការគាំទ្រពីមាតាបិតា អ្នកអាណាព្យាបាលសិស្ស និងសិស្សានុសិស្ស ប្រមាណ ជាង១០ឆ្នាំ មកហើយ។

ជួបគ្នាក្នុងពេលឆាប់ៗនេះ !!!